Dáil Éireann Debate, Tuesday - 6 October 2009
129 D’fhiafraigh Deputy Brian O’Shea den Aire Gnóthaí Pobail, Tuaithe agus Gaeltachta cén dul chun cinn atá déanta i leith sainmhínithe nua ar cad is Gaeltacht ann; agus an ndéanfaidh sé ráiteas ina thaobh. [34187/09]
Amharc ar fhreagra131 D’fhiafraigh Deputy Michael D. Higgins den Aire Gnóthaí Pobail, Tuaithe agus Gaeltachta cén dul chun cinn atá déanta ar Bhille Údarás na Gaeltachta; agus an ndéanfaidh sé ráiteas ina thaobh. [34189/09]
Amharc ar fhreagra150 D’fhiafraigh Deputy Michael D. Higgins den Aire Gnóthaí Pobail, Tuaithe agus Gaeltachta cathain a dhéanfar aon chinneadh ar theorainneacha na Gaeltachta; agus an ndéanfaidh sé ráiteas ina thaobh. [34188/09]
Amharc ar fhreagraTógfaidh mé Ceisteanna Uimh 129, 131 agus 150 le chéile.
Faoi mar is eol don Teachta, tá obair idir lámha faoi choimirce an Choiste Rialtais don Ghaeilge agus don Ghaeltacht maidir le Straitéis 20 bliain don Ghaeilge a ullmhú. Sa chomhthéacs ginearálta sin, táthar ag déanamh scrúdú ar na saincheisteanna a thagann chun cinn — ceist na Gaeltachta san áireamh — i gcomhthéacs na hanailíse agus na moltaí atá sa Tuarascáil a d'eascair ón Staidéar Teangeolaíoch ar Úsáid na Gaeilge sa Ghaeltacht.
Beidh an Straitéis féin le haontú ag an gCoiste Rialtais don Ghaeilge agus don Ghaeltacht sula gcuirfear os comhair an Rialtais é. Táthar ag súil leis go nglacfar na céimeanna cuí chuige sin go luath.
130 D’fhiafraigh Deputy Brian O’Shea den Aire Gnóthaí Pobail, Tuaithe agus Gaeltachta cathain a fhoilseofar an Straitéis Fiche Bliain don Ghaeilge. [34212/09]
Amharc ar fhreagraTá dréacht den Straitéis 20 bliain don Ghaeilge á mheas faoi láthair ag mo Roinn féin agus ag Ranna Stát eile a mbeidh sé de fhreagracht orthu í a chur i bhfeidhm. Beidh an Straitéis féin le haontú ag an gCoiste Rialtais don Ghaeilge agus don Ghaeltacht sula gcuirfear os comhair an Rialtais é. Táthar ag súil leis go nglacfar na céimeanna cuí chuige sin go luath.
