Dáil Éireann Debate, Tuesday - 10 February 2015
152. D'fhiafraigh Deputy Éamon Ó Cuív den Aire Ealaíon, Oidhreachta agus Gaeltachta cén treoir atá tugtha aici maidir le leibhéal na haerseirbhíse chuig Oileáin Árann sa chonradh nua atá le teacht i bhfeidhm an fómhar seo; agus an ndéanfaidh sí ráiteas ina thaobh. [5457/15]
Amharc ar fhreagraNíl cinneadh críochnúil tógtha go fóill maidir leis an gconradh úr don tseirbhís aeir d'Oileáin Árann. Mar is eol don Teachta, d’fhostaigh mo Roinn na comhairleoirí EY chun athbhreithniú a dhéanamh ar an tseirbhís aeir agus foilsíodh tuarascáil chuimsitheach anuraidh ina raibh moltaí éagsúla ann. Tógfar moltaí na tuarascála san áireamh agus leibhéal na haerseirbhíse á shainiú sna doiciméid tairisceana.
