Dáil Éireann Debate, Thursday - 3 December 2015
260. D'fhiafraigh Deputy Éamon Ó Cuív den Aire Oideachais agus Scileanna Chun a fhiafraí den Aire Oideachais agus Scileanna an bhfuil conraitheoir ceaptha le foirgneamh scoile nua a thógáil (sonraí thíos); má tá, cén conraitheoir a bheidh ag déanamh na oibre; cén uair a thósóidh an obair ar an scoil; cén uair a chríochnóidh an obair; agus an ndéanfaidh sí ráiteas ina thaobh. [43390/15]
Amharc ar fhreagraTá an tionscadal a ndéanann an Teachta tagairt dó beagnach i gcrích ó thaobh an phróisis tairisceana de. Fuarthas an Tuairisc Tairisceana le déanaí sa Roinn. Mura mbíonn aon cheisteanna ag éirí aisti táthar ag súil go leanfar ar aghaidh leis an tionscadal ar an láthair sa chéad ráithe de 2016. Go dtí go mbronntar an conradh, ní féidir ainm an chonraitheora a n-éireoidh leis/léi a chur ar fáil. Agus é ar an láthair, glacfaidh an tionscadal tuairim is 12 mhí le cur i gcrích.
