Dáil Éireann Debate, Tuesday - 11 October 2016
205. D'fhiafraigh Deputy Donnchadh Ó Laoghaire den Aire Tithíochta, Pleanála, Pobail agus Rialtais Áitiúil an bhfuil sé ar intinn aige Coimisiún a chur ar bun chun teorainneacha na dtoghcheantar do na toghcháin áitiúla a scrúdú agus a athbhreithniú, agus má tá, an féidir leis amscála a thabhairt maidir leis an obair sin; agus an ndéanfaidh sé ráiteas ina thaobh. [29215/16]
Amharc ar fhreagra207. D'fhiafraigh Deputy Donnchadh Ó Laoghaire den Aire Tithíochta, Pleanála, Pobail agus Rialtais Áitiúil an bhfuil sé ar intinn go ndéanfar aon athrú ar theorainneacha na dtoghcheantar i gComhairle Contae Chorcaí, nó i gComhairle Cathrach Chorcaí, roimh an gcéad toghchán áitiúil eile, agus má tá, an féidir leis amscála a thabhairt maidir leis an obair sin; agus an ndéanfaidh sé ráiteas ina thaobh. [29217/16]
Amharc ar fhreagraTá fúm glacadh le Ceisteanna Uimh. 205 agus 207 le chéile.
Rinneadh an t-athbhreithniú is déanaí ar thoghlimistéir áitiúla sa tréimhse ó Shamhain 2012 go Bealtaine 2013 ag an Coiste um Theorainneacha Toghlimistéar Áitiúil, arna bhunú faoin Acht Rialtais Áitiúil 1991.
Murab ionann an cás le dáilcheantair Dhála agus toghlaigh Pharlaimint na hEorpa, níl aon cheanglas bunreachtúil nó reachtach ann maidir le hathmheas toghlimistéar áitiúil.
Tá tiomantas sa Chlár Rialtais go ndéanfar breithniú ar laghdú méid na dtoghlimistéar áitiúla; déanfar scrúdú ina leith sin le linn tuarascáil a ullmhú don Rialtas agus don Oireachtas faoi lár na bliana 2017 maidir le bearta féideartha chun ceannaireacht agus cuntasacht rialtais áitiúil a neartú.
