Dáil Éireann Debate, Tuesday - 7 March 2017
55. D'fhiafraigh Deputy Aindrias Moynihan den Aire Ealaíon, Oidhreachta, Gnóthaí Réigiúnacha, Tuaithe agus Gaeltachta an bhfuil sé i gceist aici airgead faoi leith a chur ar fáil faoi scéim na mbóithre aise chun cúnamh a thabhairt do dhaoine nach bhfuil a mbóithre faoi chúram na gcomhairlí contae; agus an ndéanfaidh sí ráiteas ina thaobh. [11367/17]
Amharc ar fhreagraTá forfheidhmiú na Straitéise 20-Bliain don Ghaeilge 2010-2030 a foilsíodh i mí na Nollag 2010 áirithe go sonrach mar sprioc i gClár an Rialtais Rannpháirtíochta. Anuas air sin, tugann Acht na Gaeltachta 2012 feidhm reachtúil don phróiseas pleanála teanga sa Ghaeltacht faoina mbeidh pleananna teanga á n-ullmhú ag leibhéal an phobail. Tabharfar tréimhse ama don phobal chun pleananna teanga a ullmhú agus a fheidhmiú, le tacaíochtaí chuí ón Stát.
Tá an scéim atá luaite ag an Teachta ar fionraí anois. I bhfianaise na n-éileamh airgeadais a eascróidh as chur i bhfeidhm na Straitéise 20-Bliain agus an phróiseas phleanála teanga, agus an tábhacht a bhaineann leis an obair sin, ní bheidh ar chumas mo Roinne an scéim sin a athnuachan i mbliana.
