Dáil Éireann Debate, Tuesday - 4 April 2017
577. D'fhiafraigh Deputy Éamon Ó Cuív den Aire Talmhaíochta, Bia agus Mara cén uair a dhéanfar íocaíocht faoi scéim GLAS le feirmeoir i gContae na Gaillimhe (sonraí leis seo); cén fáth a bhfuil moill leis an íocaíocht sin; agus an ndéanfaidh sé ráiteas ina thaobh. [16035/17]
Amharc ar fhreagraCeadaíodh an duine ainmnithe isteach in GLAS 1 agus an 1 Deireadh Fómhair 2015 an dáta ar cuireadh tús leis an gconradh. Tá teidlíochtaí iomlána faighte ag an té sin i leith na bliana scéime 2015.
Le linn phróiseas seiceála réamhíocaíochta 2016, tháinig fadhb chun solais nuair a rinneadh cros-sheiceáil ríomhairithe ar bhunachair sonraí na Roinne. Tá oifigigh de chuid na Roinne ag scrúdú na faidhbe seo le súil agus gur féidir tuilleadh próiseála a dhéanamh ar íocaíocht i leith na bliana scéime 2016.
