Dáil Éireann Debate, Wednesday - 3 October 2018
231. D'fhiafraigh Deputy Éamon Ó Cuív den Aire Talmhaíochta, Bia agus Mara cén uair a íocfar an fuílleach den deontas GLAS do 2017 le duine (sonraí tugtha); cén fáth a bhfuil moill leis an íocaíocht; agus an ndéanfaidh sé ráiteas ina thaobh. [40185/18]
Amharc ar fhreagraCeadaíodh an duine ainmnithe isteach in GLAS 3 agus an 1 Eanáir 2017 an dáta ar cuireadh tús leis an gconradh. Tá an réamhíocaíocht faighte ag an té sin i leith 2017 lena n-áirítear GLAS plus.
Tuigim nár cuireadh an duine atá ainmnithe san áireamh sa Phlean Bainistíochta Coimíneachta a cuireadh ar aghaidh dá choimíneacht. Tá Oifigigh na Roinne ag obair ar réiteach le go mbeidh an Comhairleoir Coimíneachta ábalta an duine atá ainmnithe a chur leis an bPlean seo. Ba cheart go mbeadh fáil air seo go luath. Bhí oifigigh na Roinne i dteagmháil leis an gComhairleoir Coimíneachta chun an staid a chur in iúl dó.
