Dáil Éireann Debate, Thursday - 28 January 2021
154. D'fhiafraigh Deputy Éamon Ó Cuív den Aire Oideachais cén uair atá i gceist aici Beartas Náisiúnta um Oideachas lán-Ghaeilge a fhoilsiú mar atá geallta i gClár an Rialtais; agus an ndéanfaidh sí ráiteas ina thaobh. [4821/21]
Amharc ar fhreagraRinneadh an gealltanas i gClár an Rialtais 2020 – 2025 Ár dTodhchaí Le Chéile, chun polasaí cuimsitheach a sholáthar don Ghaeilge, i gcomhthéacs chur i bhfeidhm Straitéis 20-Bliain an Rialtais don Ghaeilge 2010-2030. Faoin Straitéis seo, tá dul chun cinn suntasach déanta ag mo Roinn ar chur i bhfeidhm an Pholasaí don Oideachas Gaeltachta 2017-2022 agus leanfar leis an obair thábhachtach seo chun a chinntiú go bhfuil oideachas ar ardchaighdeán trí mheán na Gaeilge ar fáil do mhuintir na Gaeltachta. Déanfar an phleanáil a thabhairt chun cinn in 2021 polasaí a fhorbairt a bhaineann le hoideachas na Gaeilge.
