Dáil Éireann Debate, Tuesday - 14 February 2023
220. D'fhiafraigh Deputy Éamon Ó Cuív den Aire Turasóireachta, Cultúir, Ealaíon, Gaeltachta, Spóirt agus Meán cé mhéid iarratas atá faighte ó theaghlaigh nua atá ag iarraidh scoláirí a choinneáil faoi Scéim na bhFoghlaimeoirí Gaeilge do 2023, briste síos de réir contae; cén uair a dhéanfar scrúdú ar na tithe sin le gur féidir le na Coláistí Gaeilge pleanáil don séasur Coláistí Gaeilge i 2023; agus an ndéanfaidh sí ráiteas ina thaobh. [6630/23]
Amharc ar fhreagraTá an t-eolas atá iarrtha ag an Teachta tugtha i bhfoirm tábla thíos. Áirítear anseo an líon iarratas ar aitheantas atá seolta isteach ag teaghlaigh ag an bpointe ama seo (lár Feabhra).
Níor mhiste a lua gur cláraíodh 39 teach nua faoi Scéim na bhFoghlaimeoirí Gaeilge de chuid na Roinne in 2022 i gcomparáid le 34 in 2019.
|
Contae |
Líon Iarratas 2023 |
|
Gaillimh |
2 |
|
Dún na nGall |
4 |
|
Maigh Eo |
2 |
|
Ciarraí |
1 |
|
Corcaí |
- |
|
Port Láirge |
- |
|
Mí |
- |
Ós rud é go mbíonn iarratais á ndéanamh ar bhonn leanúnach ag an tráth seo bliana, táthar ag súil le tuilleadh iarratas idir seo agus tús shéasúr na gcoláistí mar is iondúil. Déanfar iad a mheas de réir a chéile idir seo agus samhraidh 2023.
Táim sásta go bhfuil an chistíocht bhreise atá ceadaithe le bliain anuas mar thaca breise do na coláistí ag cabhrú le coláistí tuilleadh teaghlaigh a mhealladh le lóistín a chur ar fáil dóibh.
