Foghlaim faoi roghnú Cheann Comhairle (cathaoirleach) agus Leas-Cheann Comhairle (leaschathaoirleach) na Dála.
An Ceann Comhairle a roghnú
Nuair a chuirtear Dáil nua ar bun tar éis olltoghcháin, is é an chéad rud nach mór a dhéanamh ná Ceann Comhairle a roghnú as measc na gComhaltaí. Roghnaítear an Ceann Comhairle trí bhallóid rúnda leis an gcóras PR-STV (ionadaíocht chionmhar le haonvóta inaistrithe).
Ceann Comhairle an Cheathrú Dáil is Tríocha
Roghnaíodhan Teachta Verona Murphy mar Cheann Comhairle an Cheathrú Dáil is Tríocha agus thogh an Dáil go foirmiúil í an 18 Nollaig 2024
Féach ar thorthaí na nuabhallóidí agus na seanbhallóidí nó foghlaim níos mó faoi shealbhóirí oifige Thithe an Oireachtais.
Foghlaim tuilleadh
- Cé na daoine ar féidir leo iarrthóirí a ainmniú le toghadh mar Cheann Comhairle?
-
Caithfidh seachtar comhaltaí de Dháil Éireann ar a laghad iarrthóirí a ainmniú. Níl cead ag gach Comhalta ach iarrthóir amháin a ainmniú.
Caithfear ainmniúcháin don Cheann Comhairle a chur isteach i scríbhinn agus ba cheart go mbeidís ag Cléireach na Dála nach déanaí ná a 6.00 pm ar an lá sula suíonn an Dáil den chéad uair tar éis olltoghcháin. Is féidir ainmniúcháin a tharraingt siar ag am ar bith go dtí go ndúnfar ainmniúcháin.
- Cén chaoi a n-oibríonn toghadh an Chinn Comhairle?
-
Má bhíonn níos mó ná iarrthóir amháin ann, roghnaítear an Ceann Comhairle trí bhallóid rúnda leis an gcóras PR-STV (ionadaíocht chionmhar le haonvóta inaistrithe).
I gcás n-ainmnítear níos mó ná iarrthóir amháin, vótálann Comhaltaí Dháil Éireann trí bhallóid rúnda tar éis óráidí na n-ainmnithe. Mura sroicheann aon iarrthóir an cuóta le vótaí céadrogha, cuirtear an t-iarrthóir leis an líon vótaí is lú as an áireamh agus athdháiltear a vótaí de réir an chéad rogha eile is airde. Leanfar le daoine a chur ar an áireamh agus vótaí a athdháileadh go dtí go sroicheann ainmní amháin an cuóta nó mura bhfuil fágtha ach duine amháin.
Toghfaidh an Dáil an t-iarrthóir rathúil go foirmiúil sula nglacfaidh sé nó sí le Cathaoirleacht na Dála.
- Tá na rialacha iomlána faoi thoghadh an Chinn Comhairle i mBuan-Orduithe 6 go 10 agus i Sceideal 2 a ghabhann le Buan-Orduithe Dháil Éireann
- Léigh an Tuarascáil Oifigiúil ar roghnú agus toghadh Cheann Comhairle an 32ú Dáil
- Céard a dhéanann an Ceann Comhairle?
-
Is é an Ceann Comhairle Cathaoirleach Dháil Éireann a bhíonn i gceannas go neamhchlaonta agus go húdarásach ar ghnó agus ar imeachtaí an Tí. Foghlaim tuilleadh faoi ról an Chinn Comhairle.
- Céard a dhéanann an Leas-Cheann Comhairle?
-
Is é an Leas-Cheann Comhairle Leas-Chathaoirleach Dháil Éireann. In éagmais an Chinn Comhairle déanann an Leas-Cheann Comhairle ionadaíocht agus comhlíonann sé na dualgais agus cuireann sé údarás an Chinn Comhairle i gcrích in imeachtaí na Dála mar seo a leanas:
- Cé a bhí in Oifig an Chinn Comhairle roimhe seo?
-
Ba é Seán Ó Fearghaíl Ceann Comhairle an 33ú Dáil.
Leas-Cheann Comhairle of the Thirty-fourth Dáil
Deputy John McGuinness was selected as Leas-Cheann Comhairle of the Thirty-fourth Dáil and formally elected by the Dáil on 19 February 2025.
Explore the results of the latest and historical ballots or find out more about the office holders of the Houses of the Oireachtas.