Dinny McGinley
Ceist:27 D'fhiafraigh Mr. McGinley den Aire Sláinte cad iad na pleananna atá ag a Roinn chun clár HELIOS maidir le daoine míchumasaithe i gceantair Ghaeltachta a chur chun cinn.
Written Answers. - Scéimeanna do Dhaoine le hÉagumais sa Ghaeltacht.
Sí aidhm an Dara Clár Gníomhaíochta ag an bPobal Eorpach ar son daoine le héagumais (HELIOS) ná malartú eolais ar thaithí agus scéimeanna nua i Limistéar an éagumais a chur chun cinn sna ballstáit. Mar sin, d'ainmnigh gach ballstát roinnt gníomhaíochtaí áitiúla mar shamplaí de na scéimeanna is fearr atáar siúl faoi láthair maidir le hoiliúint ghairmiúil agus fostaíocht, teangmháil shóisialta, saoráidí agus maireachtáil neamhspleách.
Cé nár bhain na scéimeanna ón tír seo go speisialta leis an nGaeltacht, tá sé mar aidhm ag an gclár HELIOS go mbainfeadh gach ceantar sa Chomhphobal tairbhe as na gníomhaíochtaí seo i ndeireadh na dála toisc gur samplaí iad chun cabhrú le forbairtí den saghas céanna in áiteacha eile. Tá airgeadas ann faoin gclár HELIOS i leith costas malartú eolais ach níl foinsí ar fáil chun seirbhísí a fhorbairt.
Ba mhaith liom a rá, áfach, go bhfuil seirbhísí ar fáil do dhaoine le héagumais sa Ghaeltacht ar an leibhéal céanna agus atá siad á soláthar do dhaoine le héagumais i gcoitinne.