Vol. 427 No. 6
30 D'fhiafraigh Mr. Clohessy den Aire Ealaíon, Cultúir agus Gaeltachta an bhfuil sé sásta go bhfuil buntáistí faoi leith faoi na cumhachtaí, scéimeanna agus deontais atá ag Údarás na Gaeltachta chun tionsclaíocht a bhunú sna ceantair Ghaeltachta seachas na cumhachtaí, scéimeanna agus deontais atá ar fáil ag an IDA chun tionscail a mhealladh chuig ceantair eile; agus an ndéanfaidh sé ráiteas faoin gceist seo.
Donegal South-West): Maidir le cúnamh ón Stát do thionscail is é an beartas náis-iúnta le tamall anuas rátaí deontais a laghdú de réir a chéile oiread agus is féidir agus tá éifeacht á tabhairt don bheartas sin i gcás Údarás na Gaeltachta chomh maith leis na heagrais eile forbairt tionscail sa tír.
Tuigfidh an Teachta go n-aontaítear pacáiste cúnaimh ón Stát do phríomhaithe gnó a oireann do chúrsaí an ghnó sin agus nach bhfuil sé éasca comparáid dhíreach a dhéanamh in aon chás ar leith idir rátaí cúnaimh a bhíonn le fáil ón Údarás agus, mar shampla, ón Údarás Forbartha Tionscail.
Táim sásta go bhfuil pacáiste gríosuithe ag an Údarás a chuireann ar a chumas dul in iomaíocht go rathúil leis na heagrais forbartha eile sa tír seo agus thar lear d'fhonn tionscail a bhunú sa Ghaeltacht.
