Dáil Éireann díospóireacht -
Wednesday, 30 Oct 1996

Vol. 470 No. 7

Written Answers. - Choláiste na Coiribe, Gaillimh.

Éamon Ó Cuív

Ceist:

156 D'fhiafraigh Éamon Ó Cuív den Aire Oideachais an bhfuil sé i gceist aici cead a thabhairt do Choiste Gairmoideachais Chathair na Gaillimhe suíomh a cheannach le haghaidh Choláiste na Coiribe, a bhfuil géarghá acu le cóiríocht bhuan; agus an ndéanfaidh sí ráiteas ina thaobh. [20196/96]

Éamon Ó Cuív

Ceist:

191 D'fhiafraigh Éamon Ó Cuív den Aire Oideachais an bhfuil i gceist aici aitheantas buan a thabhairt do Choláiste na Coiribe, Bóthar Thuama, Gaillimh, ó tharla go bhfuil 73 scoláire sa gColáiste anois. [20079/96]

Minister for Education (Ms Bhreathnach)

Tá sé beartaithe agam Ceisteanna Uimhir 156 agus 191 a fhreagairt le chéile.

I gcoitinne, ní féidir ceist suíomh buan a chur ar fáil do scoil a bhreithniú go dtí go mbíonn aitheantas buan bronnta uirthi. Cé nach bhfuil moladh foirmiúil curtha faoi bhráid na Roinna maidir le h-aitheantas buan a thabhairt do Choláiste na Coiribe, tá stáideas na scoile á bhreithniú sa Roinn faoi láthair.

Chomh luath is atá breith tugtha ag mo Roinn maidir le stáideas Choláiste na Coiribe, cuirfear scéla dá réir chuig Coiste Ghairmoideachais Chathair na Gaillimhe.