Vol. 530 No. 6
334 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán an bhfuil deontas ceadaithe le haghaidh crann tochrais ag Céidh a'Phoirt in Árainn Mhór i nDún na nGall agus cén uair atá sí ag súil go gcuirfear an crann tochrais in áit ar an Chéidh. [4604/01]
Ní miste a rá i dtosach gur cheadaigh mo Roinn deontas £32,000 i 1998 do Chomhairle Contae Dhún na nGall mar chabhair chun crann tógála a chur ar fáil ag Céibh a'Phoirt. Tá an deontas sin íochta anois agus tuigim go bhfuil an crann tógála ag feidhmiú.
Maidir leis an gcrann tochrais, cheadaigh mo Roinn deontas £8,500 i 1998 don Chomhairle Contae mar chabhair chun crann tochrais a chur ar fáil ag Céibh Rannach. Tá an deontas sin íochta chomh maith. Tuigim go bhfuil an crann tochrais tugtha go dtí an oileán ach de bharr easaontas áitiúil nár éirígh leis an gComhairle Contae é a chur ar an suíomh a bhí roghnaithe dó go fóill. Tuigim, áfach, go bhfuil iarrachtaí ar siúl faoi láthair le réiteach sásúil a fháil ar an bhfadbh seo.
335 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán an gcuirfidh sí deontas breise ar fáil le hoibreacha riachtanacha a dhéanamh ag Céidh Theach a' Bháid i Machaire Gathláin i nDún na nGall. [4605/01]
Ní miste a rá i dtosach gur ceadaíodh deontas £3,000 i 1999 do Chomhairle Contae Dhún na nGall chun oibreacha áirithe feabhsúcháin a chur i gcrích ag na saoráidí calaíochta atá luaite ag an Teachta i gcomhpháirtíocht leis an gComhairle Contae. Tá an deontas sin íoctha leis an gComhairle Contae. Chomh maith leis sin íocadh cúnamh £5,000 idir 1997-1999 mar chabhair le oibreacha feabhsúcháin a chur i gcrích ag an gcéibh seo.
An méid sin ráite tá mo Roinnse i dteangmháil leis an gcomhairle contae faoi láthair maidir le céibheanna comhairle contae sa Ghaeltacht gur féidir a fheabhsú i mbliana i gcomhpháirtíocht leis an gcomhairle contae. Cuirfear na saoráidí calaíochta seo san áireamh sa chomhtheacs sin.
336 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán an gcuirfidh sí breis deontais ar fáil le hobair riachtanach a dhéanamh ar chéidh Chladach na gCaorach í gCill Chártha i nDún na nGall. [4606/01]
Tá mo Roinnse i dteagmháil le Comhairle Contae Dhún na nGall faoi láthair maidir le céibheanna comhairle contae sa Ghaeltacht gur féidir a feabhsú i mbliana i gcomhpháirtíocht leis an gcomhairle contae. Cuirfear na saoráidí calaí ochta atá luaite ag an Teachta san áireamh sa chomhthéacs sin.
Question No. 337 answered with Question No. 331.
