Michael D. Higgins
Ceist:33 D’fhiafraigh Mr. M. Higgins den Aire Gnóthaí Pobail, Tuaithe agus Gaeltachta cén dul chun cinn atá déanta i leith chur i bhfeidhm an chláir dílárnaithe sa Roinn. [16805/04]
Amharc ar fhreagraThursday, 3 June 2004
Ceisteanna (42)
Freagraí scríofa
Tá líon mór ceisteanna freagartha agam faoin ábhar seo le tamall gairid anuas. Faoi mar atá curtha in iúl agam ar ócáidí éagsúla, tá mo Roinn i mbun comhairle leanúnach lena baill foirne maidir leis an tslí is éifeachtaí chun an dílárú ata beartaithe a chur i bhfeidhm agus, mar chuid lárnach den phróiseas sin, tá gach eolas nua á sheachadadh ar na baill chomh luath agus a bhíonn teacht air.
Tuigfidh an Teachta, ar ndóigh, go bhfuil an próiséas díláraithe in aon Roinn Stáit ag brath ar an dul chun cinn atá á bhaint amach ag an ngrúpa forfheidhmithe lárnach.
Sa chomhthéacs sin, tá céimeanna éagsúla glactha ag mo Roinn-se le tamall anuas. Ina measc:
Tá aonad díláraithe faoi leith bunaithe chun déileáil leis an gceist seo. Ardoifigeach feidhmiúcháin agus oifigeach cléireachais atá mar fhoireann san aonad seo. Is don oifigeach pearsanra atá siad freagrach; Tá coiste díláraithe Roinne curtha ar bun freisin ar a bhfuil ionadaíocht ó bhainistíocht shinsearach agus ó fhoireann mo Roinne;
Tá oifigeach faoi leith roghnaithe chun teagmháil a choimeád ar bhonn leanúnach leis an Roinn Airgeadais;
Tionóltar cruinnithe speisialta de choiste comhpháirtíochta mo Roinne agus baintear leas as na cruinnithe sin chun an fhoireann a choimeád ar an eolas maidir le gach gné den phróiseas díláraithe;
Bíonn mo Roinn i dteagmháil leis na ceardchumainn chomh maith agus tá an cheist pléite leo ag an gcomhairle rannúil;
Tá socrú curtha ar bun chun nuachtlitir foirne faoin dílárú a eisiúint go rialta agus cuirtear gach doiciméad atá bainteach leis an bpróiseas díláraithe ar fáil don bhfoireann uile ar na fillteáin poiblí ar an gcóras ríomhphoist;
Tá mioneolas bailithe maidir le láthair atá i gceist don dílárú ó thaobh mo Roinne de agus tá pacáistí eolais bunaithe ar an eolas sin scaipthe ar an bhfoireann uile.
Chomh maith leis sin, tá obair idir lámha maidir le córais a chur i bhfeidhm chun nósanna oibre sna rannáin éagsúla a chur ar thaifead agus chun múnlaí a fhorbairt d'fhonn aistriú éifeachtach foirne a éascú amach anseo. Ní miste a lua freisin go bhfuil plean forfheidhmithe tosaigh don dílárú á ullmhú faoi láthair ag mo Roinnse le cur faoi bhráid an ghrúpa forfheidhmithe lárnach go luath.
Question No. 34 answered with QuestionNo. 11.