Craoladh Gaeilge.

Dáil Éireann Debate, Tuesday - 28 February 2006

Tuesday, 28 February 2006

Ceisteanna (318, 319)

Aengus Ó Snodaigh

Ceist:

349 D'fhiafraigh Aengus Ó Snodaigh den Aire Gnóthaí Pobail, Tuaithe agus Gaeltachta i bhfianaise na maitheasa atá déanta don Ghaeilge agus d’íomhá na Gaeilge sa phobal de thoradh an mhéadaithe ar chraolachán Gaeilge ar na stáisiúin a thagann faoi chúram Choimisiún Craolacháin na hÉireann, CCÉ, cad é an tuairim atá aige ar chinneadh CCÉ deireadh a chur leis an bpost mar chomhordaitheoir Gaeilge ar fhoireann an choimisiúin agus, dá bhrí sin, an bhfuil sé i gceist aige scéim a ullmhú faoi Acht na dteangacha chun an neamart seo a réiteach. [7808/06]

Dinny McGinley

Ceist:

352 D'fhiafraigh Mr. McGinley den Aire Gnóthaí Pobail, Tuaithe agus Gaeltachta i bhfianaise na maitheasa atá déanta don Ghaeilge agus d’íomhá na Gaeilge sa phobal de thoradh an mhéadaithe ar chraolachán Gaeilge ar na stáisiúin a thagann faoi chúram Choimisiún Craolacháin na hÉireann, CCÉ, cad é an tuairim atá aige ar chinneadh CCÉ deireadh a chur leis an bpost mar chomhordaitheoir Gaeilge ar fhoireann an choimisiúin, an bhfuil sé i gceist ag an Aire scéim a ullmhú faoin Acht teanga chun an neamart seo a réiteach; agus an ndéanfaidh sé ráiteas ina thaobh. [7918/06]

Freagraí scríofa

Minister for Community, Rural and Gaeltacht Affairs (Éamon Ó Cuív)

Tógfaidh mé Ceisteanna Uimh. 349 agus 352 le chéile.

I dtús báire, ní miste dom a mheabhrú do na Teachtaí gur comhlacht neamhspleách reachtúil é Coimisiúin Craolacháin na hÉireann nach dtagann faoi chúram mo Roinne-se.

Cé nach bhfuil ar mo chumas a rá ag an bpointe seo cén uair go baileach a iarrfar ar an gcoimisiúin dréacht-scéim teanga a ullmhú faoi alt 11 d'Acht na dTeangacha Oifigiúla 2003, is féidir a bheith cinnte go n-iarrfar orthu a leithéid de scéim a ullmhú amach anseo in am tráth.