Dáil Éireann Debate, Tuesday - 28 February 2006
350 D'fhiafraigh Mr. McGinley den Aire Gnóthaí Pobail, Tuaithe agus Gaeltachta an bhfuil iarratas déanta chun na Roinne le haghaidh cé d’Inis Bó Finne, Dún na nGall, cén uair a fuarthas an t-iarratas, an bhfuil meastachán déanta i dtaobh costas agus an bhfuil sé beartaithe deontas a cheadú; agus an ndéanfaidh sé ráiteas ina thaobh. [7908/06]
Amharc ar fhreagraNíl aon iarratas faighte ag mo Roinnse ó Chomhairle Chontae Dhún na nGall ar chúnamh le haghaidh Cé Inis Bó Finne a fhorbairt. Tuigtear, áfach, go bhfuil an chomhairle chontae ag obair ar na ceadúnais reachtúla a fháil i leith na forbartha seo.
Ach iarratas a bheith faighte, déanfar é a mheas i gcomhthéacs an tsoláthair atá ar fáil dom le caitheamh faoi Chlár Oibre na nOileán 2006-07 agus na n-éileamh éagsúil ar an soláthar sin.
