Dáil Éireann Debate, Tuesday - 3 October 2006
439 D’fhiafraigh Mr. Gilmore den Aire Gnóthaí Pobail, Tuaithe agus Gaeltachta an bhfuil sé in ann breis airgid a chur ar fáil chun obair dheisiúcháin a chríocnú ar bhóthar áise ag gabháil go teach an Dr. Uí Chuinn agus tithe eile ag An Leadhb Gharbh, Oileán Árainn, Contae Dhún na nGall. [30991/06]
Amharc ar fhreagraAr 1 Iúil 2005, cheadaigh mé deontas €35,000, nó 100% den chostas, do Chomhairle Chontae Dhún na nGall chun oibreacha feabhsúcháin a dhéanamh ar an mbóthar áise seo ag An Leab Garbh, Oileán Árann Mhóir. Tá iarratas faighte ag mo Roinn ón gComhairle Chontae anois ar chúnamh chun oibreacha breise a chur i gcrích ar an mbóthar céanna. Tá an t-iarratas sin á mheas faoi láthair i gcomhthéacs an tsoláthair airgid atá ar fáil dom le caitheamh ar thograí oileánda agus na n-éileamh éagsúil ar an soláthar sin.
