An Teanga Ghaeilge.

Dáil Éireann Debate, Wednesday - 31 January 2007

Wednesday, 31 January 2007

Ceisteanna (1004)

Trevor Sargent

Ceist:

1081 D’fhiafraigh Mr. Sargent den Aire Ealaíon, Spóirt agus Turasóireachta cá fhad ar an meán a thógann sé air litir a fhreagairt as Béarla i gcomparáid leis an méid ama a thógann sé air litir a fhreagairt as Gaeilge. [2390/07]

Freagraí scríofa

Minister for Arts, Sport and Tourism (Mr. O’Donoghue)

Laistigh de na spriocanna ama atá leagtha síos i gCairt Chustaiméirí na Roinne tugtar admháil ar gach cumarsáid scríofa laistigh de 5 lá oibre óna fháil agus tugtar freagra air ar a laghad 95% laistigh d'fhiche lá oibre agus baineann an Chairt seo le comhfhreagras as Gaeilge agus as Béarla.

Déantar gach iarracht cloí leis na cuspóirí atá leagtha síos sa Chairt Chustaiméirí agus tá sé seo amhlaidh maidir le comhfhreagras i nGaeilge nó i mBéarla.