Dáil Éireann Debate, Friday - 16 September 2016
408. D'fhiafraigh Deputy Pearse Doherty den Aire Oideachais agus Scileanna an bhfuair sé an comhfhreagras, an suirbhé innealtóireachta agus na grianghraif a sheol scoil i gContae Dhún na nGall (sonraí leis seo) chuige, ina léirítear drochstaid fhoirgnimh na scoile; agus an ndéanfaidh sé ráiteas ina thaobh. [24812/16]
Amharc ar fhreagraTá roinnt aighneachtaí ón scoil faighte ag an Roinn seo, lena n-áirítear suirbhéanna agus grianghraf. Maidir leis an mórthionscadal tógála don scoil dá bhfuil tagairt déanta ag an Teachta, tá Foireann Deartha fós le ceapadh chuige. Meastar go gcuirfear tús leis an bpróiseas sin ar ball beag. Déanfaidh Oifigigh ón Roinn seo teagmháil dhíreach leis an mBord Bainistíochta maidir leis na chéad chéimeanna eile den phróiseas. Cuireadh an tionscadal seo ar áireamh sa chlár sé bliana ar fhógair an tAire roimhe é lena gcur ar aghaidh chuig céim na tairisceana agus na tógála.
