Dáil Éireann Debate, Tuesday - 20 June 2017
615. D'fhiafraigh Deputy Éamon Ó Cuív den Aire Oideachais agus Scileanna cén uair a cheadófar cóiríocht shealadach do scoil (sonraí tugtha) a bheidh riachtanach an fhad a bheidh síneadh á chur léi agus athchóiriú á dhéanamh ar an scoil; agus an ndéanfaidh sé ráiteas ina thaobh. [28802/17]
Amharc ar fhreagraIs mian liom a chur in iúl don Teachta nach bhfuil aon taifead ag mo Roinn faoi iarratas do chóiríocht shealadach a bheith faighte don scoil atá i gceist.
Más mian leis an scoil iarratas a chur isteach déanfar é a mheas agus déanfar cinneadh a eisiúint go dtí údarás na scoile chomh luath agus is féidir.
