Dáil Éireann Debate, Thursday - 8 September 2022
505. D'fhiafraigh Deputy Aindrias Moynihan den Aire Turasóireachta, Cultúir, Ealaíon, Gaeltachta, Spóirt agus Meán cén líon fostaithe atá ag cliant-chomhlachtaí de chuid Údarás na Gaeltachta, i bhfoirm tábla do na contaetha éagsúla; cén líon fostaithe a cruthaíodh ó Shamhradh 2020; agus an ndéanfaidh sí ráiteas ina thaobh. [44355/22]
Amharc ar fhreagraLena gcuid riachtanais tuairiscithe agus pleanála a chomhlíonadh, tuigtear don Roinn go mbailíonn Údarás na Gaeltachta figiúirí fostaíochta uair amháin (ag deireadh mí Dheireadh Fómhair) gach bliain. Is do chuspóirí staidrimh agus pleanála a bhailítear an t-eolas seo.
Dar leis an Údarás, ag deireadh 2021, bhí 7,809 post lánaimseartha agus 485 post páirtaimseartha fostaithe i gcliantchomhlachtaí a fhaigheann tacaíocht ón eagraíoch i gcomparáid le 7,363 agus 437 post páirtaimseartha ag deireadh 2020.
Tuairiscítear gur cruthaíodh 825 post nua lánaimseartha i gcliantchomhlachtaí Údarás na Gaeltachta in 2021. Nuair a thógtar líon na bpost lánaimseartha a cailleadh san áireamh, bhí glanmhéadú de 446 post ar an mbliain roimhe sin i gceist.
Tá curtha in iúl ag an Údarás gur cruthaíodh 427 post nua lánaimseartha i gcliantchomhlachtaí Údarás na Gaeltachta in 2020. Nuair a thógtar líon na bpost lánaimseartha a cailleadh san áireamh, bhí glan laghdú de 481 post ar an mbliain roimhe sin i gceist.
Tugtear briseadh síos de réir contae ar an bhfostaíocht lánaimseartha sa tábla a leanas. Beidh figiúirí 2022 ar fáil in Eanáir 2023.
|
Contae |
2020 |
2021 |
Difríocht |
|
Dún na nGall |
2,168 |
2,304 |
136 |
|
Maigh Eo |
604 |
661 |
57 |
|
Gaillimh |
2,955 |
3,180 |
225 |
|
An Mhí |
215 |
194 |
-21 |
|
Ciarraí |
611 |
617 |
6 |
|
Corcaigh |
664 |
702 |
38 |
|
Port Láirge |
146 |
151 |
5 |
|
Iomlán |
7,363 |
7,809 |
446 |
