An tAcht um Bearta Éigeandála ar Mhaithe le Leas an Phobail (Covid-19), 2020

Bille dá ngairtear Acht, do dhéanamh socrú eisceachtúil, ar mhaithe le leas an phobail agus ag féachaint don bhaol follasach tromaí atá ann don bheatha dhaonna agus don tsláinte phoiblí de dheasca an galar ar a dtugtar Covid-19 a bheith ag leathadh agus, d’fhonn maolú a dhéanamh, i gcás gurb indéanta sin, ar éifeacht leathadh an ghalair sin agus d’fhonn maolú a dhéanamh ar na droch-iarmhairtí eacnamaíocha a bheidh mar thoradh, nó is dóigh a bheidh mar thoradh, ar leathadh an ghalair sin agus d’fhonn maolú a dhéanamh ar an tionchar a bheidh aige ar riaradh feidhmeanna seirbhíse poiblí ríthábhachtacha; do dhéanamh socrú i ndáil le hoibriú forálacha áirithe den Acht um Thionóntachtaí Cónaithe, 2004 le linn na tréimhse 3 mhí tar éis an tAcht seo a achtú agus le linn cibé tréimhse bhreise (más ann) a shonrófar le hordú ón Rialtas; do leasú an Achta um Pleanáil agus Forbairt, 2000 chun socrú a dhéanamh, in imthosca áirithe, maidir le neamhaird a thabhairt ar thréimhse áirithe le linn teorainneacha ama a ríomh dá dtagraítear san Acht sin agus in achtacháin áirithe eile; do dhéanamh socrú maidir le gairmithe áirithe sláinte agus cúraim shóisialaigh a chlárú chun freastal don ghá atá le hacmhainní liachta chun maolú a dhéanamh ar an mbaol atá ann don bheatha dhaonna agus don tsláinte phoiblí ó Covid-19 agus, chun na gcríoch sin agus chun críoch gaolmhar, do leasú Acht na bhFiaclóirí, 1985, an Achta um Ghairmithe Sláinte agus Cúraim Shóisialaigh, 2005, an Achta Cógaisíochta, 2007, Acht na Lia-Chleachtóirí, 2007 agus Acht na nAltraí agus na gCnáimhseach, 2011; do dhéanamh socrú, mar gheall ar riachtanais na héigeandála sláinte poiblí de dheasca Covid-19 a bheith ag leathadh, maidir le leasuithe agus modhnuithe áirithe ar na forálacha den Acht Meabhair-Shláinte, 2001 a bhaineann le hathbhreithnithe a dhéanamh faoi alt 18 den Acht sin; do leasú an Achta Cosanta, 1954 chun a chumasú daoine a bhí liostáilte tráth a athliostáil; dá chumasú fóirdheontas pá sealadach a sholáthar d’fhostaithe áirithe; do dhéanamh socrú i ndáil le hoibriú forálacha áirithe den Acht um Íocaíochtaí Iomarcaíochta, 1967 ar feadh tréimhse áirithe tar éis an tAcht seo a achtú agus ar feadh cibé tréimhse bhreise (más ann) a shonrófar le hordú ón Rialtas agus, chun na críche sin, do leasú an Achta um Íocaíochtaí Iomarcaíochta, 1967; do dhéanamh socrú chun a cheadú go ndéanfar gnéithe áirithe den chóras cláraithe shibhialta a oibriú ar mhodh modhnaithe, más gá, ar feadh tréimhse theoranta agus ar feadh cibé tréimhse bhreise (más ann) a shonrófar le hordú ón Rialtas, lena n-áirítear trína cheadú do dhaoine áirithe sonraí a sholáthar do chláraitheoir i scríbhinn seachas trí láithriú i bpearsa, agus trína cheadú d’fhoireann an Ard-Chláraitheora feidhmeanna cláraitheoirí áirithe a chomhlíonadh in imthosca a fhágfaidh nach mbeidh an córas cláraithe shibhialta ar fáil chun a fheidhmeanna reachtúla a chomhlíonadh, nó nach mbeidh ar chumas an chórais cláraithe shibhialta a fheidhmeanna reachtúla a chomhlíonadh, faoi mar a bheadh de ghnáth, agus, chun na gcríoch sin, do leasú an Achta um Chlárú Sibhialta, 2004; agus do dhéanamh socrú i dtaobh nithe gaolmhara.

Nuashonraithe go deireanach: 27 Márta 2020

Urraithe ag: Minister for Health

Foinse: Government

Teach Tionscnaimh: Dáil Éireann