Eamon Gilmore
Ceist:115 D'fhiafraigh Mr. Gilmore den Aire Ealaíon, Oidhreachta, Gaeltachta agus Oileán cathain a fhoilseoidh sí Bille na Gaeilge; agus an ndéanfaidh sí ráiteas ina leith. [20245/00]
Written Answers. - Bille na Gaeilge.
Tógfaidh mé ceisteanna 115 agus 117 le chéile.
Ag a gcruinniú den 19 Iúil thug an Rialtas cead don Aire Ealaíon, Oidhreachta, Gaeltachta agus Oileán scéim ghinearálta den Bhille Comhionannais um Theangacha Oifigiúla a ullmhú. Tá an scéim sin á hullmhú faoi láthair le hintinn í a chur faoi bhráid an Rialtais le ceadú roimh dheireadh na bliana. Bheadh an Bille le dréachtú ansin ag an Dréachtóir Parlaiminte. Bheinn ag súil leis go bhfoilseofaí an Bille roimh lár na bliana 2001.