Dáil Éireann Debate, Thursday - 3 December 2015
282. Deputy Aengus Ó Snodaigh asked the Minister for Arts, Heritage and the Gaeltacht Chun a fhiafraí den Aire Gaeltachta cad é an líon post i Roinn na Gaeltachta atá folamh, cad iad na poist atá i gceist, cé chomh fada is atá siad folamh agus cad iad na céimeanna atá á nglacadh aige chun na folúntais a líonadh. [43350/15]
Amharc ar fhreagraTá curtha in iúl dom nach bhfuil líon áirithe post ag mo Roinn. Déantar bearna a mheas, de réir mar a thagann siad chun cinn ar fud na Roinne, trí phróiseas pleanála don fhórsa oibre, ag féachaint go cuí do threoracha, treoirlínte agus ciorcláin ar sholáthar foirne ón Roinn Caiteachais Phoiblí agus Athchóirithe. Faoi láthair tá 50 ball foirne sannta do Rannán na Gaeltachta i mo Roinn. Tá soláthar foirne an rannáin faoi réir athbhreithnithe leanúnaigh tríd an bpróiseas pleanála don fhórsa oibre lena chinntiú go mbaintear leas cuí agus éifeachtach as na hacmhainní atá ar fáil i bhfianaise na riachtanas agus tosaíochtaí gnó atá ag teacht chun cinn.
