An Coiste um Chuntais Phoiblí chun scrúdú a dhéanamh ar Ráitis Airgeadais 2020 le FSS

Craolfar an cruinniú ar 9.30am ó Sheomra Coiste 3 de Theach Laighean agus éistfear lena linn leis an Ard-Reachtaire Cuntas agus Ciste, Seamus McCarthy, agus, ina dhiaidh sin, le hionadaithe ó FSS arb é Paul Reid, Príomhoifigeach Feidhmiúcháin, a bheidh ina cheannas orthu agus ó ionadaí ón Roinn Sláinte.

Dúirt Cathaoirleach an Choiste, an Teachta Brian de Stainléigh: “Fuair FSS maoiniú €20.3 billiún ón Státchiste in 2020, lena n-áirítear méadú suntasach de mhéid is mó ná €3 bhilliún i gcaitheamh na bliana roimhe sin mar gheall ar Covid-19. Is spéis faoi leith ag an gCoiste scrúdú a dhéanamh ar conas a caitheadh an maoiniú breise seo i dtéarmaí sainfháil éigeandála trealaimh cosanta phearsanta, aerálaithe agus trealaimh eile is gá chun beatha a shábháil ó leathadh an phaindéim.

“Tá spéis againn freisin scrúdú a dhéanamh ar chaiteachas eile a bhaineann le Covid, lena n-áirítear tástáil agus rianú, acmhainneacht bhreise in ospidéil phríobháideacha a choimisiúnú agus costais sainchomhairleoireachta. Tá an Coiste ag tnúth leis na nithe seo a phlé leis an Uasal Reid agus lena chomhghleacaithe, agus le héisteacht freisin le nuashonraithe ar Chóras Comhtháite Bainistithe Airgeadais agus Sainfhála FSS. Is spéis leis an gCoiste freisin caiteachas a bhaineann leis an gcibear-ionsaí ar chórais FSS is luaithe i mbliana, lena n-áirítear na costais a bhaineann leis an damáiste a dheisiú agus le FSS a chosaint ar ionsaithe sa todhchaí.”

Is féidir breathnú ar an gcruinniú i Seomra Coiste 3 beo ar Oireachtas TV.

Is Buanchoiste de chuid Thithe an Oireachtais an Coiste um Chuntais Phoiblí a dhíríonn ar a chinntiú go reáchtáiltear seirbhísí poiblí go héifeachtúil agus ar bhonn luach ar airgead.

Is féidir imeachtaí an Choiste a fheiceáil freisin ar Fheidhmchlár Fóin Chliste Thithe an Oireachtais a bhíonn ar fáil ar fheistí Apple agus Android.