An Coiste um Chuntais Phoiblí chun athchromadh ar scrúdú ar Ráitis Airgeadais 2020 de chuid FSS

Craolfar an cruinniú ar 9.30 a.m. ó Sheomra Coiste 3 de Theach Laighean agus éisfear lena linn leis an Ard-Reachtaire Cuntas agus Ciste, Seamus McCarthy, agus ina dhiaidh sin, le hionadaithe ó FSS, arb é Paul Reid, Príomhoifigeach Feidhmiúcháin a bheidh i gceannas orthu. Beidh ionadaí ón Roinn Sláinte i láthair freisin.

Dúirt Cathaoirleach an Choiste an Teachta Brian de Stainléigh TD: “Tar éis an idirghabháil a bhí againn leis an Uasal Reid agus a chuid comhghleacaithe an tseachtain seo caite ar chaiteachas éigeandála agus sainfháil a bhaineann le Covid-19, tá an Coiste ag tnúth anois le scrúdú a dhéanamh ar mhíreanna eile sna Ráitis Airgeadais do 2020, arb ionann iad agus caiteachas Státchiste €20 billiún.

Ar nithe is spéis leis na Comhaltaí, tá deontais chuig gníomhaireachtaí lasmuigh faoi Ailt 38 agus 39 den Acht Sláinte, 2004, comhfhreagras a fuair an CCP a bhaineann le seirbhís SouthDoc i gCiarraí agus Corcaigh agus an Scéim um Thacaíocht Tithe Banaltrais, ar a dtugtar Scéim Chothrom na Féinne, agus calaois párolla.

Is féidir breathnú ar an gcruinniú i Seomra Coiste 3 ar Oireachtas.ie.

Is Buanchoiste de chuid Thithe an Oireachtais an Coiste um Chuntais Phoiblí a dhíríonn ar a chinntiú go reáchtáiltear seirbhísí poiblí go héifeachtúil agus ar bhonn luach ar airgead.

Is féidir imeachtaí an Choiste a fheiceáil freisin ar Fheidhmchlár Fóin Chliste Thithe an Oireachtais a bhíonn ar fáil ar fheistí Apple agus Android.