Taoiseach a ainmniú lena cheapadh ag an Uachtarán

Deiseanna do na Meáin, Dé Satharn, an 17 Nollaig, Teach Laighean.

9:30 a.m.  - Ní bheidh rochtain ag na meáin ar an bPlionta ach ar feadh uair an chloig sula suífidh an Teach ar 10:30 a.m., faoi réir creidiúnú roimh ré ag Oifig Preasa Thithe an Oireachtais.

1pm (nó mar sin) - Deis grianghraf nuair a imeoidh an Taoiseach tofa go hÁras an Uachtaráin ó gheata Shráid Chill Dara.

Beidh Ainmniúchán an Taoisigh ar siúl i seomra na Dála ó 10:30 a.m., ar aghaidh agus craolfar beo é ar chainéil shóisialta an Oireachtais agus ar Oireachtas TV, atá ar fáil ar:

• Saorview Channel 22

• Virgin Media Channel 207

• Sky Channel 514

• Eir Vision Channel 504

• Vodafone Channels 201, 207 (Dáil Éireann)

Faisnéise mhionsonraithe bhreise faoin Lá Suí

Faoi réir an riachtanais a eascraíonn de bhun Airteagal 28.9.1 de Bhunreacht na hÉireann, is mar a seo a leanas a bheidh ord na n-óráidí agus na socruithe i leith Taoiseach a ainmniú lena cheapadh nó lena ceapadh ag an Uachtarán de bhun Bhuan-Ordú 34A(2)(b):

- óráidí mholtóir an Rialtais agus tacadóir - 5 nóiméad an ceann; agus

- óráidí ó ionadaithe ó pháirtithe eile den Rialtas, Sinn Féin, Páirtí an Lucht Oibre, na Daonlathaithe Sóisialta, Pobal roimh Bhrabús-Dlúthpháirtíocht, an Grúpa Réigiúnach, an Grúpa Neamhspleách Tuaithe agus an Grúpa Neamhspleách - 10 nóiméad in aghaidh an pháirtí nó an ghrúpa; agus

- féadfaidh comhaltaí am a roinnt;

(III) faoi réir an riachtanais a eascraíonn de bhun Airteagal 28.11.1 den Bhunreacht, is mar a leanas a bheidh ord na n-óráidí agus na socruithe i leith Tairiscint lena ceadú ag Dáil Éireann maidir leis an Taoiseach d’ainmniú comhaltaí eile den Rialtas lena gceapadh ag an Uachtarán de bhun Bhuan-Ordú 34A(2)(c):

- óráid ón Taoiseach - 10 nóiméad; agus

- óráidí ó ionadaithe ó pháirtithe eile an Rialtais, Sinn Féin, Páirtí an Lucht Oibre, na Daonlathaithe Sóisialta, Pobal-roimh Bhrabús-Dlúthpháirtíocht, an Grúpa Réigiúnach, an Grúpa Neamhspleách Tuaithe agus an Grúpa Neamhspleách - 10 nóiméad in aghaidh an pháirtí nó an ghrúpa; agus

- féadfaidh comhaltaí am a roinnt

• Ar Thaoiseach a ainmniú ag an Dáil lena cheapadh ag an Uachtarán, beidh an Dáil, mura n-ordóidh sí a mhalairt, ar fionraí ar feadh ceithre huaire an chloig go dtí 5 p.m., nó ceithre huaire an chloig tar éis ainmniúchán Taoisigh a thabhairt chun críche, cibé acu is déanaí.

Ní mór do na meáin neamh-chreidiúnaithe a bheith creidiúnaithe chun freastal ar an bPlionta.

Chun láithreachas a dheimhniú nó chun creidiúnú a shocrú, cuir ríomhphost, le do thoil, chuig stephen.higgins@oireachtas.ie roimh 10. a.m., Dé hAoine, an 16 Nollaig.

Craolfar an ócáid beo ar Oireachtas TV.

Eiseoidh Maxwells Photography grianghraif den ócáid.