Comhchoiste na Gaeilge ag plé úsáid agus infheictheacht na Gaeilge ar na meáin chraolta le RTÉ, TG4, Raidió Fáilte, Raidió na Life agus Craoltóirí Neamhspleácha na hÉireann

Beidh an cruinniú ar siúl i Seomra Coiste 4 ag 13:30 nuair a thiocfaidh ionadaithe thar ceann RTÉ, TG4, Raidió Fáilte, Raidió na Life agus Craoltóirí Neamhspleácha na hÉireann os comhair an Chomhchoiste. 

Dúirt Cathaoirleach an Choiste, an Teachta Dála Aengus Ó Snodaigh: “Tháinig ionadaithe thar ceann Meta agus TiTok os ár gcomhair coicís ó shin agus tabharfaidh ár mbreithniú leis na stáisiúin chraolta éagsúla léargas níos cruinne dúinn i taca le himscrúdú an Chomhchoiste ar an ábhar seo. Is mór an tábhacht atá leis na craoltóirí seo i gcás chur chun cinn na Gaeilge in Éirinn agus ar fud na cruinne agus tá an Comhchoiste buíoch as na hiarrachtaí atá ar siúl acu ina leith”.

“Mar sin féin, caithfear céimeanna réamhghníomhacha a fhorbairt i rith an ama, agus a chinntiú go gcuirfear i bhfeidhm iad, chun an lucht éisteachta agus féachana a mhealladh. Is ar na céimeanna réamhghníomhacha sin ar mhaith leis an gComhchoiste a aird a dhíriú ag cruinniú an lae amárach.”

Tá 14 Chomhalta, naonúr ó Dháil Éireann agus cúigear ó Sheanad Éireann, mar Chomhaltaí de Chomhchoiste na Gaeilge, na Gaeltachta agus Phobal Labhartha na Gaeilge. 

Is féidir an cruinniú, i Seomra Coiste 4 a fheiceáil beo ar Teilifís an Oireachtais.

Chomh maith leis sin, is féidir imeachtaí an Chomhchoiste a fheiceáil ar aip fhónchliste Thithe an Oireachtais, atá ar fáil ó ghléasanna Apple agus Android.