Seachtain na Gaeilge, Pobal na Gaeilge, Comhchoiste na Gaeilge, Comhdháil na Gaeilge, Cathair na Gaeilge

Beidh an chomhdháil ar siúl tráthnóna Dé hAoine, idir 14:00 agus 17:00, i gComhairle Contae na Gaillimhe, Áras an Chontae ar Chnoc na Radharc. Tá an Comhchoiste an-bhuíoch den Chomhairle Contae as an tsaoráid seo a chur ar fáil dó.

Dúirt Cathaoirleach an Choiste, an Teachta Dála Aengus Ó Snodaigh: “Deis iontach is ea an chomhdháil seo ina mbeidh an Comhchoiste in ann tuairimí phobal na Gaeltachta ar fad a chloisteáil ó gach cearn den tír. Beidh ionadaithe i láthair thar ceann na gcomharchumann, na gTeiceanna agus na Bailte Seirbhísí Gaeltachta mar aon leis na hOifigigh Phleanála Teanga. Táimid ag súil go mbeidh díospóireacht fhuinniúil, fiúntach, tairbheach agus taitneamhach ann agus ár mbeirt éascaitheoirí i mbun oibre linn: Gormfhlaith Ní Thuairisg agus Páidí Ó Lionáird.”

“Tá an Comhchoiste an-bhuíoch díobh agus de na haoichainteoirí a chuirfidh tú leis an bplé ar an lá. I measc na n-aoichainteoirí a bheidh ag glacadh páirt sa chomhdháil, beidh úinéir Ligid Léiriúcháin Teoranta – Sonia Nic Giolla Easbuig; Máirín Ní Choistealbha-Seoige thar ceann Chomhlachas na gComharchumann agus na gComhlachtaí Pobalbhunaithe; Príomhfheidhmeannach Údarás na Gaeltachta – Tomás Ó Síocháin; chomh maith le Leascheannasaí Ghlór na nGael – Frainc Mac Cionnaith.

“Is é seo mana na Comhdhála: Seachtain na Gaeilge, Pobal na Gaeilge, Comhchoiste na Gaeilge, Comhdháil na Gaeilge, Cathair na Gaeilge.”

Déanfar taifead closamhairc ar an gComhdháil agus craolfar í ar Oireachtas TV go gairid.

Tá 14 Chomhalta, naonúr ó Dháil Éireann agus cúigear ó Sheanad Éireann, mar Chomhaltaí de chuid Chomhchoiste na Gaeilge, na Gaeltachta agus Phobal Labhartha na Gaeilge.