An Coiste Airgeadais chun breithniú a dhéanamh ar an tuarascáil maidir le seirbhísí comhair creidmheasa a fheabhsú in Éirinn

Dhírigh an Grúpa Forfheidhmiúcháin, arb í an Roinn Airgeadais a chathaoirleach, ar na moltaí ón CCCC a chur i bhfeidhm maidir le comhair chreidmheasa a fhorbairt in Éirinn. Léirítear sa tuarascáil chríochnaitheach an dul chun cinn atá déanta agus tá inti treochlár 2019 don earnáil. Tugann sé aghaidh freisin ar chuid mhaith de na saincheisteanna a dhúisítear sa Tuarascáil maidir leis an Athbhreithniú ar Earnáil na gComhar Creidmheasa ón gComhchoiste.

“Ba chóir gur bhliain thábhachtach í 2019 do na comhair chreidmheasa in Éirinn de bharr na n-athruithe rialaitheacha ar iasachtaí a thabhairt atá le dul in éifeacht”, arsa Cathaoirleach an Choiste Seán Mac Aonghusa TD.

“D’fhéadfadh cuid de na comhair chreidmheasa is mó na tairiscintí morgáiste acu, chomh maith le seirbhísí eile is gnách a lua le bainc, lena n-áirítear cuntais reatha, cartaí dochair agus rótharraingtí, a mhéadú. Chruthófaí leis na forbairtí seo níos mó roghanna airgeadais do ghnóthaí beaga agus do theaghlaigh araon”, arsa an Teachta Mac Aonghusa.

Is féidir an cruinniú i Seomra Coiste 2 a fheiceáil beo anseo.

Léigh Tuarascáil Chríochnaitheach Ghrúpa Forfheidhmiúcháin an CCCC anseo.

Léigh an Tuarascáil maidir leis an Athbhreithniú ar Earnáil na gComhar Creidmheasa ón gCoiste anseo.