Buailfidh an Comhchoiste um Leanaí, Míchumas, Comhionannas agus Lánpháirtíocht leis an Aire Rabbitte chun nuashonrú ar an tuarascáil maidir le ‘Riachtanais nach bhfuil Comhlíonta’ a phlé

Freastalóidh an tAire Stáit sa Roinn Sláinte ar a bhfuil freagracht maidir le Míchumas agus oifigigh ón Roinn ar an gcruinniú seo ó chian agus reáchtálfar an cruinniú ar 3.30 p.m. i Seomra Coiste 2 i dTeach Laighean.

Dúirt Cathaoirleach an Choiste, an Teachta Kathleen Funchion, an méid seo a leanas: “Tá an Coiste ag súil go mór le nuashonrú a fháil ón Aire Rabbite maidir le hiarrachtaí na Roinne chun dul i ngleic leis na saincheisteanna a tháinig chun solais sa tuarascáil ‘Riachtanais nach bhfuil Comhlíonta’, go háirithe an imní a léiríodh maidir le leanaí a chaill amach ar Mheasúnú ar Riachtanais sula raibh siad cúig bliana d’aois mar thoradh ar na liostaí feithimh fada faoin Scéim Luath-Idirghabhála.”

Tá 14 Chomhalta ag an gComhchoiste um Leanaí, Míchumas, Comhionannas agus Lánpháirtíocht , naonúr comhaltaí ón Dáil agus cúigear ón Seanad.

Is féidir an cruinniú i Seomra Coiste 2 a fheiceáil beo ar Oireachtas.ie.

Is féidir breathnú ar imeachtaí an Choiste ar Aip Fón Cliste Thithe an Oireachtais, atá ar fáil d’fhearais Apple agus Android.