Is í Oifig na gComhairleoirí Dlí Parlaiminte (OCDP) an fhoireann dlí intí atá ag Tithe an Oireachtais.
Mar dhlíodóirí na Parlaiminte, táimid go hiomlán neamhspleách ar an Rialtas, agus cuirimid comhairle dlí speisialtóra, neamhchlaonta ar fáil maidir le réimse leathan saincheisteanna dlí parlaiminteacha, bunreachtúla agus corparáideacha don Pharlaimint, dá Comhaltaí agus dá foireann.
Ár seirbhísí
- Comhairle dlí pharlaiminteach do Chomhaltaí
-
Is féidir le Comhaltaí den Oireachtas teagmháil a dhéanamh linn chun comhairle dlí agus tacaíocht a fháil maidir le:
- saincheisteanna dlí ag eascairt as comhaltas den Oireachtas
- saincheisteanna dlí ag eascairt as Coistí Oireachtais
- scrúdú a dhéanamh ar ábhair bheartais agus Billí arna dtacú leo ag an Rialtas agus cur ina gcoinne
- Comhairle dlí agus seirbhísí dréachtaithe i leith Bhillí Comhaltaí Príobháideacha
-
Is féidir le Comhaltaí Neamhrialtasacha den Oireachtas teagmháil a dhéanamh linn chun cuidiú a fháil i leith dhréachtú a mBillí Comhaltaí Príobháideacha (BCPanna). Cuirimid seirbhísí comhairle maidir le beartas dlíthiúil agus seirbhísí dréachtaithe reachtúil araon ar fáil. Is féidir linn cuidiú le:
- taighde tosaigh
- forbairt an togra beartais
- dréachtú an Bhille agus leasuithe air
- grinnscrúdú roimh Chéim an Choiste
- Dlíthíocht
-
Déanaimid dlíthíocht thar ceann na gComhaltaí, na dTithe nó Choistí na dTithe, de réir mar a fhoráiltear sna hAchtanna um Choimisiún Thithe an Oireachtais.
- Na réimsí dlí a dtugann OCDP comhairle fúthu
-
Áirítear ar na gnáthréimsí dlí a dtugann OCDP comhairle fúthu:
- Pribhléid pharlaiminteach agus ceisteanna eile maidir leis an dlí bunreachtúil
- Sainchúram coiste, cearta finnéithe, cur i bhfeidhm an cheartais aiceanta agus nósanna imeachta cothroma sa chomhthéacs parlaiminteach
- Léirmhíniú na mBuanorduithe agus feidhmiú rialacha agus nósanna imeachta parlaiminte
- Dlí an riaracháin
- Dlí na fostaíochta
- Reachtaíocht maidir le cúrsaí eitice in oifigí poiblí
- Dlí toghcháin agus dualgais reachtúla atá dílsithe i róil Chléireach Dháil Éireann agus Chléireach Sheanad Éireann
- Saincheisteanna an dlí chorparáidigh amhail soláthar, conarthaí, cóipcheart, saoráil faisnéise agus cosaint sonraí
- Liúntais agus saoráidí do Chomhaltaí
- Léirmhíniú agus feidhmiú na bhforálacha reachtacha a mbaineann ábharthacht ar leith leo sa chomhthéacs parlaiminteach
Treoracha
Treoracha maidir lenár seirbhísí
Sna treoracha seo, gheobhaidh tú tuilleadh sonraí faoinár gcuid seirbhísí. D’fhéadfadh Comhaltaí den Oireachtas teagmháil a dhéanamh linn chun ár seirbhísí a úsáid.
Mellissa English
Príomhchomhairleoir Dlí Parlaiminte
Tá an Príomhchomhairleoir Dlí Parlaiminte, Mellissa English, Abhcóide Sinsearach, Rúnaí Cúnta, i gceannas ar OCDP. Mar Rúnaí Cúnta, suíonn Mellissa ar Bhord Bainistíochta Sheirbhís Thithe an Oireachtais.
Tá Mellissa i gceannas ar fhoireann 22 dhlíodóir, a bhfuil taithí agus cáilíochtaí gairmiúla acu ar fad mar dhlíodóir nó mar abhcóide sa Stát, i dteannta taighdeoirí dlí agus foireann um thacaíocht riaracháin.
Sinéad O’Brien, Kieran Mooney, Mellissa English, Cathy Egan agus Ramona Quinn
Foireann OCDP
Agus 33 bhall san iomlán san fhoireann, tá Abhcóide Comhairleach, Dréachtóir Parlaiminte Cúnta, taighdeoirí dlí agus foireann um thacaíocht riaracháin i bhfoireann OCDP. Cuireann siad seirbhísí ar fáil sna ceithre chomhpháirt a leanas, agus Príomhoifigeach i gceannas ar gach ceann díobh:
- Ramona Quinn, dlíodóir – Comhairleoir Dlí um Sheirbhísí Parlaiminte
- Sinéad O’Brien, dlíodóir - Comhairleoir Dlí Corparáideach
- Cathy Egan, dlíodóir - Comhairleoir Dlí Billí Comhaltaí Príobháideacha
- Kieran Mooney BL - Dréachtóir Reachtach Parlaiminte
Cad é sainchúram OPLA?
Déantar foráil d’fheidhmeanna an OPLA agus an Phríomhchomhairleora Dlí Parlaiminte in Achtanna um Choimisiún Thithe an Oireachtais, 2003 go 2021. Cuirtear comhdhlúthú neamhoifigiúil ar Achtanna um Choimisiún Thithe an Oireachtais, 2003 go 2021 ar fáil anseo.
Sonraí teagmhála
Oifig na gComhairleoirí Dlí Parlaiminte
Teach Laighean
Sráid Chill Dara
Baile Átha Cliath 2
D02 XR20