Soláthraímid seirbhísí faisnéise agus taighde do Chomhaltaí den Oireachtas. Is é ár misean cur le Parlaimint bhreá eolasach.
Cuireann an leabharlann pharlaiminteach seirbhísí faisnéise ar fáil, agus bainistíonn sí bailiúchán d'ábhair chomhaimseartha agus stairiúla ar mhaithe le freastal ar riachtanais ár n-úsáideoirí. Cuireann an tseirbhís taighde pharlaiminteach seisiúin eolais taighde neamhchlaonta ar fáil chun tacú le hobair na dTithe, na gcoistí agus na gComhaltaí aonair.
Cúrsaí Taighde
Achoimre ar Bhillí | An Bille um Achomhairc Talmhaíochta (Leasú), 2024
Tá sé i gceist leis an mBille seo painéal athbhreithnithe ar achomhairc talmhaíochta a chruthú a bheadh neamhspleách ar an Oifig Achomharc Talmhaíochta (AAO) agus a bheadh freagrach as athbhreithnithe neamhspleácha a dhéanamh ar chinntí na n-oifigeach achomharc in AAO. Ina theannta sin, tugtar soiléiriú sa Bhille ar na hachair ama chun athbhreithnithe ar chinneadh achomhairc ó AAO a lorg.
Cúrsaí Taighde
Spotlight SLaT | Lárionaid sonraí agus fuinneamh
Déantar scrúdú san eagrán seo de Spotlight ar scála na lárionad sonraí in Éirinn. Tá méadú millteanach mór tagtha ar an earnáil úd le blianta beaga anuas agus táthar buartha faoin mbrú a d’fhéadfaidís a chur ar sholáthar leictreachais, ar bhonneagar eangaí agus ar uaillmhianta na hÉireann i dtaca le gníomhú ar son na haeráide. Díol suntais is ea na sonraí a thugtar faoi ídiú leictreachais agus réamhaisnéisí le haghaidh an éilimh amach anseo.
Taighde agus anailís
Doiciméid Leagtha
Bainistímid an bailiúchán de dhoiciméid agus de dhoiciméid arna leagan go foirmiúil roimh Thithe an Oireachtais. Féadfaidh gníomhaireachtaí agus Ranna Rialtais doiciméid a leagan faoi bhráid Thithe an Oireachtais trínár bhfeidhmchlár ar líne le haghaidh Doiciméad Leagtha.
Catalóg
Síneann ár mbailiúcháin ón 16ú haois go dtí an lá atá inniu ann. Cuardaigh ár gcatalóg ar líne chun teacht ar ár mbailiúchán de Dhoiciméid Leagtha agus ár mbailiúchán stairiúil.
Sonraí dáilcheantair
Tugann ár gcláir eolais dáilcheantair idirghníomhacha léargas ginearálta ar dhéimeagrafaic, stádas eacnamaíoch, iompar agus oideachas.
Beidh ar fáil sula i bhfad clár eolais dáilcheantair athnuaite bunaithe ar Dhaonáireamh 2022 agus dáilcheantair atarraingthe.
Taispeántas digiteach
Doiciméid stairiúla
Fiosraigh ár mbailiúchán tábhachtach de dhoiciméid stairiúla ón 16ú céad trínár dtaispeántais dhigiteacha a bhrabhsáil nó trínár gcatalóg ar líne a chuardach.
Taispeántas digiteach
Taiscí Leabharlann an Oireachtais
Brabhsáil ár ngailearaithe íomhánna, físeán agus téacs chun tuilleadh a fhoghlaim faoinár mBailiúcháin Speisialta agus cuardaigh catalóg ár leabharlainne go bhfeice tú a bhfuil ann!
Le haghaidh Taighdeoirí
Ar mhaith leat eolas a bheith agat faoin gcaoi lenár mbailiúcháin agus seirbhísí a úsáid i gcomhair do thionscadail taighde? An bhfuil spéis agat i sparánachtaí agus i gcomhaltachtaí? Foghlaim tuilleadh ar ár leathanach tiomnaithe do thaighdeoirí.
Bibleagrafaíocht na Parlaiminte
I mBibleagrafaíocht na Parlaiminte in Éirinn dár gcuid, liostaítear saothair a bhaineann leis an bparlaimint in Éirinn ó bunaíodh Dáil Éireann in 1919.
Breathnaigh
Stair na Seirbhíse Leabharlainne agus Taighde
Breathnaigh ar an scannán gearr beoite seo ina n-insítear scéal Sheirbhís Leabharlainne agus Taighde an Oireachtais ó 1922 go dtí an lá atá inniu ann.
Téigh i dteagmháil leis an tSeirbhís Leabharlainne agus Taighde
An tSeirbhís Leabharlainne agus Taighde
Teach Laighean
Sráid Chill Dara
Baile Átha Cliath 2
D02 XR20
An Lárdheasc Fiosruithe