Is í Seirbhís Thithe an Oireachtais an riarachán parlaiminteach a chuireann seirbhísí comhairle agus tacaíochta ar fáil dóibh seo a leanas:
- Coimisiún Thithe an Oireachtais
- Tithe an Oireachtais (an Dáil agus an Seanad) agus a gCoistí
- Comhaltaí (Teachtaí agus Seanadóirí) de Thithe an Oireachtais.
Tá thart ar 650 státseirbhíseach i gcoibhéis lánaimseartha – státseirbhísigh ghinearálta, ghairmiúla agus theicniúla – ar fhoireann na Seirbhíse. Gníomhaíonn Coimisiún Thithe an Oireachtais mar chomhlacht rialaithe na Seirbhíse.
Cairt Eagraíochtúil Sheirbhís Thithe an Oireachtais
Léirítear sa chairt seo na príomhfheidhmeanna agus rannóga i Seirbhís Thithe an Oireachtais.
PETER FINNEGAN
Cléireach Dháil Éireann
Tá siad seo a leanas i measc na bhfreagrachtaí atá ar Chléireach Dháil Éireann:
- seirbhís Thithe an Oireachtais a bhainistiú
- na beartais de chuid Choimisiún Thithe an Oireachtais a bhaineann leis an tSeirbhís a chur i bhfeidhm agus monatóireacht a dhéanamh orthu
- torthaí a bhaint amach de réir mar a chinneann Coimisiún Thithe an Oireachtais.
Cuidíonn an Leas-Ard-Rúnaí, Michael Errity, agus roinnt Rúnaithe Cúnta le Cléireach na Dála chuige sin.
Oifig an tSeanaid
Is é príomhról Oifig an tSeanaid tacú le suíonna agus le gnó an tSeanaid. Cabhraíonn Oifig an tSeanaid le Cléireach an tSeanaid a chuid dualgas a chomhlíonadh faoi Bhuan-Orduithe agus sa dlí. Is í an Rúnaíocht í le haghaidh roinnt coistí den Seanad freisin, lena n-áirítear an Coiste um Nós Imeachta agus Pribhléidí agus Coiste Comhairliúcháin Phoiblí an tSeanaid.
MARTIN GROVES
Cléireach Sheanad Éireann
Cuireann Cléireach an tSeanaid comhairle ar fáil maidir le nósanna imeachta agus cleachtais parlaiminte don Chathaoirleach agus do gach comhalta de Sheanad Éireann. Tacaíonn an Cléireach Cúnta agus Oifig an tSeanaid leis an gCléireach sa ról seo. Is é Cléireach an tSeanaid an Ceann Comhairimh do thoghcháin Seanaid agus tá sé ina chomhalta chomh maith de roinnt coimisiúin reachtúla.
Reachtaíocht
Leagtar síos róil, feidhmeanna, agus freagrachtaí Choimisiún Thithe an Oireachtais agus na Seirbhíse sa reachtaíocht seo a leanas.
- An tAcht um Choimisiún Thithe an Oireachtais (Leasú), 2018
- An tAcht um Choimisiún Thithe an Oireachtais (Ceapacháin chuig Oifigí Áirithe), 2015
- An tAcht um Choimisiún Thithe an Oireachtais (Leasú), 2015
- An tAcht um Choimisiún Thithe an Oireachtais (Fiosrúcháin, Pribhléidí agus Nósanna Imeachta), 2013
- An tAcht um Choimisiún Thithe an Oireachtais (Leasú) (Uimh. 2), 2012
- An tAcht um Choimisiún Thithe an Oireachtais (Leasú), 2009
- An tAcht um Choimisiún Thithe an Oireachtais, 2003
- An tAcht um Fhoireann Thithe an Oireachtais, 1959
CÉC
Comhionannas, éagsúlacht agus cuimsiú
Foghlaim faoin méid atá ar siúl againn chun cultúr éagsúlachta, comhionannais agus cuimsithe a chur chun cinn agus chun é a chur i gcroílár Sheirbhís Thithe an Oireachtais.
An grúpa oibre maidir le pribhléid pharlaiminteach agus cearta saoránach
Bunaíodh grúpa oibre d’oifigigh pharlaiminteacha chun athbhreithniú a dhéanamh ar nósanna imeachta Thithe an Oireachtais agus chun a chinntiú go ndéantar cearta saoránach a urramú ar feadh an phróisis pharlaimintigh ar fad.
Oifig na gComhairleoirí Dlí Parlaiminte
Is í Oifig na gComhairleoirí Dlí Parlaiminte (OPLA) an fhoireann dlí intí atá ag Tithe an Oireachtais. Cuireann sí comhairle dlí speisialtóra, neamhchlaonta ar fáil don Pharlaimint, dá Comhaltaí agus don fhoireann.
Rannóg an Aistriúcháin
Soláthraíonn Rannóg an Aistriúcháin seirbhísí aistriúcháin do Thithe an Oireachtais.
An Oifig Buiséid Pharlaiminteach
Cuireann Oifig Buiséid Pharlaiminteach Thithe an Oireachtais faisnéis, anailís agus comhairle neamhspleách agus neamhchlaonta ar fáil do Thithe an Oireachtais.
SLaT
An tSeirbhís Leabharlainne agus Taighde
Tugann an tSeirbhís Leabharlainne agus Taighde (SLaT) seirbhísí faisnéise agus taighde do Chomhaltaí den Oireachtas. Bainistíonn SLaT an bailiúchán doiciméad arna leagan go foirmiúil roimh Thithe an Oireachtais.
Gairmeacha
Gairmeacha
Ar mhaith leat oibriú do Thithe an Oireachtais? Foghlaim faoi phoist agus earcaíocht.
An tAcht um Brústocaireacht a Rialáil
Forordaítear roinnt státseirbhíseach arna bhfostú ag Tithe an Oireachtais mar oifigigh phoiblí ainmnithe chun críocha alt 6(1)(f) den Acht um Brústocaireacht a Rialáil, 2015.
An Caighdeán Oifigiúil
Is é An Caighdeán Oifigiúil caighdeán oifigiúil Sheirbhís an Oireachtais le haghaidh ag scríobh na Gaeilge. Is treoir áisiúil é d’aon duine atá ag scríobh i nGaeilge, bíodh sé le haghaidh fhoilseacháin oifigiúla an Stáit nó le haghaidh réimsí eile.
CAINÉAL TEILIFÍSE
Féach orainn ar an teilifís
Craolann ár gcainéal teilifíse 24 uair an chloig sa lá chuig tithe na hÉireann trí Saorview, Sky, Virgin Media, eir Vision agus Vodafone